-
講到最近曼谷既一個島,就梗係西昌島啦.距離曼谷只有一百公里鬆啲,大約兩個鐘左右就去到.
-
其實依個島有啲似加大版同靚版既長洲,有海鮮食,有沙灘行,有風景睇.而好出名既泰劇<<愛與罰>>都係係到取景的,所以吸引左好多當地人黎依到.的確,係果到見到既外國客客唔多.
-
島上面有好多住宿,但係其實有冇必要住一晚呢,情況就好似你入長洲會唔會過夜一樣,要玩景點既話一日一定可以行得晒,但如果你想慢慢Hea下唔趕既話就訓一晚都可以.住宿既價錢有平有貴,平既話六七百Baht.
-
島上既交通只有兩種,自駕電單車同撘TukTuk.如果自駕會平啲,前提係你要識揸(識揸唔代表有牌😏),咁你去每一個地方都會方便好多.租電單車既話200Baht一日唔洗滿油還車.
-
島上其實都係睇下風景為主,有廟,有公園,沙灘,有海鮮.有時去曼谷去到覺得悶悶地,去一日依啲都唔錯.
-
點去呢咁,首先去Ekkamai巴士總站撘巴士去Siracha.去到Siracha既Robison 百貨落車.落車後你會見到好多Tuk Tuk.同佢地講你要去西昌島(廣東話音:割司撐）.咁佢就會車你去碼頭.唔好俾人當水魚,最盡80Baht好喇.有啲人可以60Baht就撘到.去到碼頭就買票等船.撘大約40分鐘左右就會到.
Search